GASYKAMANJA.COM

Hiaraka isika

Na tomany na sariaka

Hiara-hizaka ny mafy

F’efa vonon-kiafy



Raha sendra mandalo

’Lay rivo-pandrava

Dia hiaraka hikalo

Fa io mbola hisava



Na mahery vaika

Ny sangin’ny tany

Aoka tsy hiraika

F’efa fombany izany



Hiaraka isika

Na tomany na sariaka

Hiara-hizaka ny mafy

F’efa vonon-kiafy



Ireo miniha

Manao ankaso

Mandrava fitia

Hikipio maso



Ireo nahatsiaro

Ho nahavita tena

Ka miala ny maro

Hodio tsy jerena



Ireo efa zatra

Nivarotra lova

Ka namela ratra

Hivavao mba hiova



Raha sendra mandalo

’Lay rivo-pandrava

Dia hiaraka hikalo

Fa io mbola hisava





DADAH