GASYKAMANJA.COM

Ho tia anao aho

tena am-po tsisy ahiahy

efa lalim-paka ka ho doria fa tena sahy

ho tia aho hoy ianao

namaly am-bava feno toky

andry nitantana nampanantena tsy soloky

fitia no ho vaky raha ny hevitro manontolo

aza ela mba halaky ho mamy ny andro manontolo

aza atao resaka , ho resa-be hampandry saina

raketo hipetraka

raha tena fy sy koa lalaina

Aza ny taraina na tsiritra no ampifilaina

ka ninia nandray ho kilalao ireo teniko

fa tsy tenin-jaza ka ho averina im-polo

fa iray dia sahaza

ho setriny omeo daholo

Tsy nandà ianao

tsy nahitana valin-teny

Efa ela izao ka aposaho ombieny ombieny

tsy aleo ve baribary toy izay very anaty

ka tsy tsapa marary ireo teninao raha toa tsy satry