GASYKAMANJA.COM

Injao fa mifoha

’Reo akon’ny taloha

Mikaroka ny ela

’Zay sisa tavela



Nefa aloka no sisa

No namisavisa

’Reo zava-boakasa

Takonan’ny lasa



Sento mangina

Ny fo lavi-tiana

No manako any ho any

Sy te-hanontany



’Reo andro taloha

Sao mba nifoha

Nefa sento tomany

No setrin’izany



Ny zava-drehetra

Dia manam-petra

Ny alina aza

Dia hisolo mazava



’Lay fitiavako koa

’Zay mbola matory

Dia tsy ho ela tsy akory

Dia tsy maintsy hifoha