GASYKAMANJA.COM

Feno loatra ny fo

Mivadibadika ho lasa adala

Sahiran-tsaina mivadik’atidoha

Tsy sahy akory mankahala



Dia nandalo tao an-doha ireo hiran’ny namana

tia anao, mila anao

Niserana tanatin’ny nofy koa ireo tononkalon’ny havana

Mitantara , manoritra ny tantara



Ka ny tomany no solon’ny torimaso ny alina

Ny setro-tsigara no nisolo ireo teny lalina

Fa feno lotra, efa mihoatra , tafahoatra



Ho feno hadalana indray ny ho avinao

Ho feno hafanana bebe kokoa ny tantaram-piainanao

Dia ho levina avokoa ireo vavolombelo’ny niarahana

Tsy hankarary, tsy hampatsihay azy

Dia hilaozanao tokoa ireo fifaneraserana

Hanadinoana azy , tsy hampatsihay azy



Mba tsy ho tomany intsony no ho solon’ny torimaso ny alina

Tsy ho setro-tsigara no hisolo ireo teny lalina

Mba ho fifaliana, fitsikiana, kindrindrina,



(Efa ela izy izay no nandao)

(Ianao toa tsy mety mino hatramin’izao)

(Tsy aleo ve, sa, tsy aleo ve miaina ny androany)



Rahoviana ihany no handao izany nofinofy izany ianao

Diavolana firy no ahitsidika ny varavarankelinao

Rahoviana ihany no handao izany nofinofy izany ianao

Kotrobaratra im-piry no hidona ao an-tafotranonao ao.