GASYKAMANJA.COM

Haody ry Analamangako

Ry Iarivoko ry Imerina

Ndreto ’zahay sy ny lokangako

Fa samy mbola tafaverina



Ny lokanga namborahiko

Ny toloko sy fisaonana

No mbola raisiko angatahiko

Hiarahabana ity fihaonana



Fantatrao ’zay nifandaozana

Sanatria tsy fifandirana

Fa mitaky fanavaozana

No niniako nandosirana



Aminao no itarainako

Ry toloko sy ny ngidiny.

Resy tosika ny fiainako

Ka nandao anao , Nandao anao tsy fidiny



Haody , haody re hidirako

Ry akany niantombohana

Raisonao ny tonokirako

Mba ho solom-panorohana