GASYKAMANJA.COM

Zava-baovao no entin’ny maraina

mifoha indray ny tontolo fa mbola velon’aina

Maro no efa lasa nanalavitra ny akany

Satria tsy maintsy miasa raha mbola eto an-tany



Zovy moa ianao no tsy hifoha maraina

Handramo kely ange ny mitsangana malaina

Ny ambany ny mafy, manàna herin-tsaina

Fitsanganana avy hatrany no finiavana ilaina



Indro ny hazavana avy any an-danitra mirotsaka

Tapitra ny aizina, ny masoandro vao miposaka

Hita miramirana rehefa mety ho zava-boahary

toy ny avy nolokoina, na nadika tami-sary



Amin’io fotoana io ny fanahy sy ny saina

Dia miadana finaritra mahatsiaro fa miaina

Aina saro-bidy loatra tsy novidiana fa nomena

Tsy zaraina amin’ny hafa fa natokana ho an’ny tena ...