GASYKAMANJA.COM

Veloma, teny kely iray monja

Manambara fisarahana

Ny ranomaso mila hanonja

Tapitra eo ny fiarahana



Mahafenofeno fo

Mamolivoly ny ao anaty

O ! hisaraka tokoa

Ny alahelo tsy ho tanty



Veloma...Izay no fara-teny kely

Fara-teny, fara-teny hifanaovana

Veloma...Tsy hifanadino velively

Na ny handao, na ny hilaozana



Tsy ho doria, tsy ho doria fa mbola hihaona

Eny izay, eny izay no faniriana

Mbola hisy, mbola hisy lohataona

Hampiaraka any aoriana...veloma

Veloma !!!...