GASYKAMANJA.COM

Rehefa najifa ny sosoa tamin’ny tsatokaty

Ny ambina kitoza tsakoina ho siligaoma

Maika hanaraina e hikobaka hikarama

Maka ny angady mamotoka an-joron-trano



Maimbohon-dravina ity ny andro o o

Lasan-ko entona ny petsapetsa e e

Jereo ny aina ny akoralava eny an-taniketsa e

Manararaotra an’ilay maraina efa

Sao tody ihany ho’aho ilay mpamaky ny loha sola



Miara-mirona miosina mifanjevo

Toton-korosy fa maika anaty vakanga

Dia nisary adala e misangy mpanasa lamba

Na mpisaka-trondro mitanjaka tapaka eny



Ankijerijery tsy ankitondra mody e e

Ka tsy laitra akisoka mifanatsafa a a

Mifanabe tarehy ka izay mangotsoka re no azo a

Tsy izany kanjo f’izao re no

Ala hamohamo rehefa mikobaka eny



Sanatrian’ny vava tsy mifanamamo o o

Na hifanatsatso amin’ny tsipy rora e e

Lamban-tsinafy sy kibo voky tsy mifandrafy o o

Izany mantsy o no tonga amin’iny

Omeo tehina any ho takaloko ho tohan’aina

Omeo tehina any ho takaloko ho tohan’aina



(Roland)



(P) MARS 1989