GASYKAMANJA.COM

Nitanondrika izy

O nitanondrika izy

Fa tojo faharesena

Ilay fony nanantena

’Zay rehetra nokasaina

Dia indrisy rava maina

Eny hatramin’ilay tiany

Lasan’olon-kafa iny



Nitomany izy

O nitomany izy

Nomeny tsiny Ilay Ray

Fa Mpitondra tsy mahay

Fa nahoana re

Nahoana

No dia toa izy foana

No miaritra ny mafy

Voakapo-karavasy



Dia nitsiky izy

O dia nitsiky izy

Fa nifoha ilay fanantenana

Teo an-tany naharavana

Tsapany avy hatrany

Fa izany no eto an-tany

Ho an’izay miaina eto

Tsy maintsy misento



Fa nahoana re nahoana

No dia toa izy foana

No miaritra ny mafy

Voakapo-karavasy